Amos 04
01Heur ais wat of ik joe te zeggen heb, ie stamboukvij,f + Der staait in t Hebreeuws: "koien van Basan", beste vij dat ter was in Israël.f* ie vraauwlu doar op baarg Samaria, dij gewone lu onder t mous stoppen en t aarm volk verschoppen, dij joen kerels komdaaiern: "Tou, schenk es wat in!"
02Dit zegt God, de HEER: Zo woar as ik de haailege God bin, t duurt nait laank meer, den zel ie, net as vizzen, aan hoak sloagen en mit harpoenen in t lief votsleept worden.
03Den zel ie liekbendeg tou stad oet sleept worden deur goaten in muur en kaant van Harmon opjagd worden - zegt de HEER.
|